Luminance 6901®大師級永久耐光性木顏色全系列 - 100支

可能係全世界最好用嘅木顏色

係我暫時用過最好用/常用嘅木顏色，雖然價錢比較貴，但係物超所值！就咁講好難形容，當你喺張畫紙上邊試過用就會明我講咩。木顏色最緊要就係混色同疊色，6901混色可以做到超自然超smooth，甚至可以疊到7-9層色，CLS！而家全系列出到共100色，佢哋研配嘅色系相對其他牌子比較寫實，有好多獨特嘅人像色系、柔灰色系、大地色系，畫任何寫實畫完全冇難度(支白色勁好用)。用上瑞士優質杉木製造，非常有質感，香到痴線，而且跌落地下筆芯都唔容易斷，保護做得好好，唔似Prismacolor咁易斷。 另外佢最大嘅特點係佢嘅耐光性極高，即係畫作喺日光照射下，幾年甚至十幾年都唔會退色，保存一流，所以點解呢款筆係Artist級數都有佢嘅原因。

唯一嘅缺點就係貴，因為用耐光能力較高嘅顏料同靚木嘅成本一定較高，要睇你覺得值唔值得你投資，講真，一盒真係可以用勁耐，通常之後只係需要單支配返常用嗰啲色，認真畫畫嘅就建議買6901，淨係想練習吓技巧/初學嘅就建議買Prismacolor