德國STABILO CarbOthello 專家級水溶性粉彩筆

ⒸⓄⓂⓂⒺⓃⓉ
呢一款係我暫時試過性價比最高同其中一隻最好用嘅乾粉彩筆，雖然顏料配方同筆身用嘅木冇Caran d’Ache 咁靚(人地貴咁多)，但係我自己用落覺得覆蓋性都好高，顏色好鮮艷，混色效果好好，60隻配色都非常實用，budget有限唔想買咁貴，但又想玩乾粉彩筆嘅，呢款一定最抵玩，十分推介。

筆芯軟硬度 - 偏軟至適中，可以做到彩色炭筆效果；
性質 - 水溶性，可以玩到更多唔同嘅效果；
木質 - 普通，比較輕身，木嘅香味較淡，用𠝹刀刨筆嘅時候會比較容易，輕輕力就刨到（Caran d’Ache 嗰隻就因為筆芯太軟，一定要用𠝹刀加錫紙刨）。

缺點方面，成個系列最多都係得60色，要做到某啲色都要靠自己嘅色感同技巧做混色。